Dziko ‘idameza kamadzi’

Mu mbiri ya wanthu, gulu ya Yahova yakhala inkubatsiriwa na maboma yadziko. (Eza 6:1-12; Est 8:10-13) Ntsiku zathu zino, tinkuwona ‘dziko’ yomwe inkuyimira atongi wa nthawe ino, ankumalisa ‘kamadzi’ komwe kankudzudza wanthu wa Mulungu pakuphatisiriwa basa na ‘chinyoka’ chomwe ni Satana Ndyerekezi. (Chv 12:16) Yahova yemwe ni ‘Mulungu wopulumusa,’ angaphatise basa utongi wa wanthu pakupulumusa atumiki wake. —Sl 68:20; Miy 21:1.

Imwepo mukamangiwa ndawa ya chikhulupiriro chanu, muchadikana kutsimikizira kuti Yahova adzakhale kusayidi yanu nthawe zose. (Ge 39:21-23; Sl 105:17-20) Chikhulupiriro chanu chidzadalisiwe ndipo chitsanzo chanu chabwino chidzalimbikise abale padziko yose. —Afi 1:12-14; Chv 2:10.

NYANG’ANIRANI VIDIYO YAKUTI ABALE WA KU COREIA ADAMASULIWA MUDJERI, NDIPO IKAPERA DAWIRANI MIBVUNZO AYA:

• Ndawa chani mamidyawu ya abale akhala ankumangiwa ku Coreia do Sul kwa magole yazinji?

• Ko ni chani chomwe boma idachita kuti abale amasuliwe kankulumize kudjeri?

• Ko imwepo mungabatsire tani abale womwe ali mudjeri ndawa ya chikhulupiriro chawo?

• Ko tingaphatise tani basa ufulu wathu womwe tinawo manjewuno?

• Ko ni mbani ankuchittisa kuti timbawine milandu mumakhoti?