Ko imwepo muchawona kuti mawu ya Malungu ni yaphindu?

M’Baibolo muli maganizo na mawu ya Yahova, yemwe ni munichiro wa bukhu yopatulika. (2Pe 1:20, 21) Baibolo ichafotokoza mobveka bwino kuti Yahova yekha ndiye anaudindo wakutonga, nakuti adzaphatisire basa Ufumu wake kuti adzachinje dziko kukhala paradaiso. ndipomwapa tose tingadikhire tsogolo yabwino. Na chithandizo cha Baibolo, tingapfunzire makhalidwe ya chikondi cha Ababa wathu wakudzulu.—Sl 86:15.

Aliyese wa isepano anavifukwa vakusiyana vachakondera Baibolo. Koma isepano tose tinachifukwa chobveka chokondera mawu ya Mulungu. Ko tichawonesa kuti tichalemekeza mphaso imweyi mwa kulewenga Baibolo ntsiku zose? Ko tichaphatisa basa vomwe tichapfunzira? Tichada kuti vochita vathu viwonese kuti tinamaganizo yabodzi-bodzi ninge ya wamasalimo, yemwe adanemba kuti: ‘ine nichakonda chilamulu chanu!’—Sl 119:97.

WONESANI VIDIYO YAKUTI IWO ANGAKONDA BAIBOLO (WILLIAM TYNDALE), IKAPERA DAWIRANI MIBVUNZO AYA:

• 

  Ndawa chani William Tyndale adatsumbudzulira mbali ya Baibolo?

• Ndawa chani khama yake potsumbudzulira niyopasa chidwi?

• Ko mafotokopiya ya Baibolo ya Tyndale yadayenda tani mwachintsintsi ku Inglaterra?

• Ko aliyese wa ise angawonese tani kuti achakonda mawu ya Mulungu?