Yahova achakonda wanthu waukhuzi

Azibereki azinji akonda kupfunzisa wana wawo ukhuzi. Iwo achawawuza kuti: ‘Mumbasambe m’manja, mbalongedzani kuchipinda kwanu, mumbapsaire pamuyi, mbatayirani lisho kudzala.’ Malangizo ya ukhuzi mwaya ni yochokera kwa Yahova. (Eks 30:18-20; De 23:14; 2Ak 7:1) Tikambachenesa thupi yathu na vinthu vathu, tichalemekeza Yahova. (1Pe 1:14-16) Ko pamuyi pathu pali tani? Isepano tichadekana kukhala wosiyana maninge na wanthu womwe achatayira lisho munjira na mutukamadzi. Akhrisitu ise timbachenese pamuyi pathu. (Sl 115:16; Chv 11:18) Olo pa vinthu vidiki-vidiki timbawonese kuti ndise waukhuzi. Mwakulinganiza, ko nkuponi komwe mungataye vimapepa na vimagaba? Tinkufuna ‘kuwonesa munjira iliyose kuti ndise atumiki wa Mulungu.’—2Ak 6:3, 4.

NYANG’ANIRANI VIDIYO YAKUTI YAHOVA ACHAKONDA WANTHU WAUKHUZI, MUKAMALIZA DAWIRANI MIBVUNZO AYA:

• Ko ni vifukwa viponi vomwe anango achalekera kukhala waukhuzi?

• Ko chilamulo cha Mose chichawonesa tani momwe Yahova achawonera ukhuzi?

• Ko tingalalikire tani va Yahova podi tileke kuyankhula chinthu?