Ko ntontholo wabwino ni chani?

1. Ko Mulungu ankutiwuza ntontholo uponi?

Ntontholo wabwino ni wakuti: Mulungu achadzamalisa kubonera. Iye achadzapereka moyo wabwino kwa wose. Mulungu adakonza dziko ndawa achatifuna, ndipo achada kuti timbakhala wakukondwa. — Lewengani Yeremiya 29:11.

Padziko yose, wanthu achapwetekana, kudwala na kufa. Tsono, palibe boma pasi pano ingakwanise kupeza vimwevi. Koma ntontholo wabwino ni wakuti: Manjemanje Mulungu adzacheneke maboma yose ya wanthu, achiyikhiratu yake. Kundoyambira mwapo wanthu achadzakhalalini soti namantha olo kudwala. — Lewengani Yesaya 25:8; 33:24; Danieli 2:44.

2. Ndawa yanyi ntontholo moyu uchadikana mwa kankulumize?

Ndawa tanyanya kubonera. Kubonera kudzapere Mulungu akadzapha wanthu wakuchita voyipa. (Zefaniya 2:3) Nilini pati adzachite vimwevi? Tsontsono. Tinkutsimikizira vimwevi ndawa yavinthu vakuyipa vinkuchitika ntsiku zino. Baibolo idaneneratu kuti ntsiku za kumalizira kudzachitike vinthu vakuyipa. — Lewengani 2 Timoteyo 3:1-5.

3. Ko tichadekana kuchita chani?

Tichadekana kupfunzira Baibolo. Mulungu adatipasa Baibolo kuti tiyipfunzire, ndawa achatifuna. Baibolo ndiyo ingatibatsire kukhala na moyo wabwino ntsiku zino, na momwe tingadzagumanire moyo wosapera. Wanthu wose achada kukhala na moyo moyu. Wanthu anango angakulambizeni kupfunzira Baibolo, tsono imwepo ayi kubvuma. — Lewengani Miyambo 29:25; Chivumbulutso 14:6, 7.