Pa nthawe yachigumula mbani adabvera Mulungu? Mbani alibe kubvera?

Mu nthawe ya Nowa wanthu azinji angachita vinthu voyipa. Genesis 6:5

Adamu na Hava adabala wana, ndipo wanthu adawanda padziko. Angelo anango wakuyipa adatewedzera Satana nkumupandukira Mulungu, ndipo adabwera padziko.

Iwo adadzisandusa wanthu nkulowola achembere. Achembere adadzakhala na viwana vamphanvu na vatcheni.

Dziko idadzala na wanthu wochita voyipa. Baibolo yichati: ‘kuyipa kwa wanthu kwenze kudadzala padziko ndipo maganizo yawo na mitima yawo yenze yakuyipa nthawi zose.’

Nowa adamanga chingalawa ndawa yakuti adabvera Mulungu. Genesis 6:13, 14, 18, 19, 22

Nowa wenze munthu wabwino. Yahova adawuza Nowa kuti adzacheneke wanthu wose woyipa na chigumula cha madzi.

Mulungu adamuwuza soti Nowa kuti achadikana kukonza chinthu choti chidzamupulumuse, chakuchemerewa chingalawa, nkuyikhamo banja yake na vinyama vakhayindi iliyose.

Olo kuti Nowa adawachenjeza wanthu za chigumula, iwo alibe kumubvera. Anango angamuseka na kumuzonda.

Pomwe adapeza kumanga chingalawa Nowa adatenga vinyama nkuvingenesa.