MAKALEGELO A UKLISTO
Khala Mutuna Ndaga jia ba Aposta
Satana nu athu enji ana bungisa ndaga jia mambo nu jia giamatshidia ha gulebesa gutshigina guetu. (2Kol 11:3) Ha gufezegesa, enya Asiliya azuelele ndaga jiavula jia mambo nu ndambo ya giamatshidia ha gulebesa akombeledi a Yehowa muila. (2Gudi 32:10-15) Mangino ba aposta ana kalegela nji ndaga jia luholo lumoshi ha gulebesa gutshigina guetu. Luholo lutshi tudi naye gutadila malongo a ba aposta? Tudi naye guatadila gifua puazo! Tushigo naye gutanga ndaga jiawo, guahana mvutu nga guzuelela ndaga jiene. Gula wamona egi ndaga udi mutanga jidi gugutuma ha gukhala nu ba dute mukunda nu Yehowa nga ulondegi wenji, bemba gujitanga mbala imoshi!—Yuda 3, 4.
TALENU VIDEO ‘LUENU ITA YAKOLA MUKUNDA NU GUTSHIGINA’!—GITSHINYI, GUNGIMA HANENU MVUTU GU MIHU EYI:
Mukunda natshi tudi naye gumonesa gutema tangua tudi mukalegela Internet?
Luholo lutshi tuajiya gukalegela longo didi mu Roma 16:17?