MAKALEGELO A UKLISTO
Khala Mukolesa Gutshigina Guaye mu Mbimbi ya Nzambi
Mbimbi ya Nzambi yajiya gusombegesa monyo wetu. (Heb 4:12) Uvi ha guheta gubonga gua malongo adi mu Biblia, tudi naye gutshigina egi idi “mbimbi ya Nzambi.” (1Tes 2:13) Luholo lutshi tuajiya gukolesa gutshigina guetu mu ndaga jidi mu Biblia?
Khala mutanga Biblia lusugu nu lusugu. Tangua udi mutanga, kamba gujiya ndaga jidi mumonesa egi Biblia idi mukanda wa Yehowa. Ha gufezegesa, wajiya gulonguga ndaga jidi mu mukanda wa Ishima, ha gumona luholo malongo ene adi nu ndando mu monyo wetu mangino.—Ish 13:20; 14:30.
Khala nu programe ya gulonguga Biblia. Kamba gujiya muabonga ndaga jidi mumonesa egi Biblia yasonegewe mu ukuateshi wa nyuma ya Nzambi. Tala mu Guide de recherche pour les Témoins de Jéhovah, ha fundo diasonegewe egi “La Bible” gungima tala ha “Inspirée par Dieu.” Wajiya nji gukolesa gutshigina guaye mu ndaga jidi mu Biblia gula walonguga ndaga jidi mu Appendice A3 adi mu Traduction du monde nouveau. Ngenyi mbawukotelesa egi ndaga jidi mu Biblia jiana sombegesa ndo.
TALENU VIDEO MUKUNDA NATSHI TUANA GUSHA GUTSHIGINA . . . MU MBIMBI YA NZAMBI. GUNGIMA HANENU MVUTU GU MIHU EYI:
Luholo lutshi isona amonele gu ibayi ya tempelo ya gu Karnak gu Egypte idi mumonesa egi Mbimbi ya Nzambi yana zuela diago giamatshidia?
Luholo lutshi tudi mujiya egi ndaga jidi mu Biblia jianago gusombegesa?
Luholo Biblia idi uu nu mangino, luholo lutshi idi gugutshiginyisa egi idi Mbimbi ya Nzambi?—Tanga Yeshaya 40:8