“Ukhadigo Gudisagesa”

Yehowa wakuatesele athu akhalele phutu mu Isalele ikulu. Luholo lutshi Nzambi wana kuatesa akombeledi enji adi phutu mangino?

• Wana gualongesa ha gutadila makuta mu luholo luabonga.—Luka 12:15; 1Tim 6:6-8

• Wana guakuatesa ha gudivua egi akhala nu ndando.—Yobo 34:19

• Wana gualongesa ha gukalagala mudimo nu ngolo jiagasue nu ha gutuna makalegelo abola ajiya guabatela malamba.—Ish 14:23; 20:1; 2Kol 7:1

• Waakuatesele ha gukhala mukatshi dia aphangi Aklisto a ha mavu a mudidi. Aphangi ene ana guazumba diago—Yone 13:35; 1 Yone 3:17, 18

• Wana guahana felela.—Ngi 9:18; Yesh 65:21-23

Ngatshima tudi mutagana nu malamba a luholo lutshi, tushigo naye gudisagesa. (Yesh 30:15) Yehowa mbawutuhana ima tudi nayo funu gula tudi mahaga Ufumu wenji ha fundo dia thomo.—Mat 6:31-33.

TALENU VIDEO IDI MUZUELA EGI: LANDULA GUMONESA GUZUMBA . . . IKHALE UDI PHUTU—CONGO, GUNGIMA, HANENU MVUTU GU MIHU EYI:

• 

  Luholo lutshi aphangi ana khala hehi nu fundo diana kalegewa asamble, ana monesa khadilo dia guyamba gudi aphangi ana katuga mu mafundo ako ha guza gu asamble?

• 

  Ndaga itshi video eyi idi gutulongesa mu luholo Yehowa wana zumba athu adi phutu?

• 

  Luholo lutshi tuajiya gulandula gifezegeselo gia Yehowa ikhale tushigo nu ima yavula?