MAKALEGELO A UKLISTO
Tema Hagula Umuangigo Mene jia Mambo
Mangino, athu ajiya gumuanga mene gatshididi mu mikanda, mu radio, televizio nu mu internet. Uvi athu ana gukombelela “Nzambi wa giamatshidia” anago gumuanga mene jia mambo. (Ngi 31:5; Guz 23:1) Gumuanga mene jia mambo mukunda nu athu ako, guana hana lamba diakola. Ha gujiya gula lumene ludi lua giamatshidia, dihule egi:
‘Muthu udi muta lumene luene, wana zuela giamatshidia ba?’ Yajiya gukhala egi muthu udi gugutela lumene luene gashigo mujiya ndaga jiagasue. Gula muthu watela muthu muko lumene, luana khalago luko luholo lumoshi. Hene tudi naye gutema ha gumuanga mene handaga tushigo mujiya nanyi wasendesa mene jiene nu luholo lutshi jiasendesa. Aphangi adi nu inemo mu hungu, adi athu hungu diana gushila mutshima egi ana zuela ndaga jia giamatshidia. Hene adi naye gutema muavula gutuama egi azuele ndaga ashigo mujiya diago gula idi ya giamatshidia.
‘Lumene luene ludi mukunda nu gubolesa lukuma lua muthu muko ba?’ Gula lumene ludi mubolesa lukuma lua muthu nga athu avula, tushigo naye gulumuanga ndo.—Ish 18:8; Fili 4:8
‘Lumene luene ludi mukunda nu gushimana muthu ba?’ Khala watema tangua udi mutegelela lumene ludi muzuelela muthu nga ndaga jiatshitshile muene
TALENU VIDEO IDI MUZUELA EGI LUHOLO LUTSHI NGAJIYA GUTUNA GUMUANGA MENE JIABOLA MUKUNDA NU ATHU AKO? GUNGIMA, HANENU MVUTU GU MIHU EYI:
Hagutadila Ishima 12:18, mbimbi jietu jiajiya gukalagala itshi gudi muthu?
Luholo lutshi Filiphi 2:4 idi gutukuatesa ha gutema mu ndaga tudi muzuela mukunda nu athu ako?
Itshi tudi naye gukalagala gula athu asendesa guzuela ndaga jiabola mukunda nu athu ako?
Gutuama dia gumuanga mene jia athu ako, mihu itshi tudi naye gudihula?