Yehowa Wana Bamba Akombeledi Enji

Pake ya thomo yakhalele ndaga imoshi yabalega ndando diago. Mu phipha ya lusugu luene, hamonele Farao egi ana agasue a somi a gu Ejipitu afuile, wawambele Moize egi: “Zugenu, katugenu mukatshi dia athu ami, enue nu enya Isalele ako. Ndienu mukombelele Yehowa gifua luholo muazuelele.” (Guz 12:31,NWT) Ndaga yatshitshile Yehowa yamonesele egi muene wana bamba akombeledi enji.

Gula tuatala ndaga jiakalegele gale Yehowa mukunda nu akombeledi enji mangino, idi mumonega diago egi Yehowa udi mulandula gutuameza nu gubamba akombeledi enji. Ndaga yene idi mumonega haphelo mu musée ya gu siège mondial ya Matemue a Yehowa, idi nu muto wa lumene egi “Athu Ana Gubata Jina dia Yehowa.”

TALENU VIDEO MUSÉE YA GU WARWICK: “ATHU ANA GUBATA JINA DIA YEHOWA.” GUNGIMA, HANENU MVUTU GU MIHU EYI:

• 

  Gikadigilo gitshi gihe-gihe Alongugi a Biblia asendesele gukalegela mu 1914 ha gukolesa gutshigina guawo mu Biblia? Gubonga gutshi gikadigilo giene giabatele?

• 

  Malamba atshi ataganele nawo aphangi mu 1916 nu mu 1918? Luholo lutshi ndaga jiene jiamonesele egi Yehowa udi mutuameza ulondegi wenji?

• 

  Luholo lutshi akombeledi a Yehowa asalele agujinginyina ikhale ataganele nu usageshi?

• 

  Ukoteleshi utshi uhe-uhe akombeledi a Yehowa ahetele mu 1935? Luholo lutshi ndaga yene yaakuatesele?

• Gula waya mutala musée yetu gu Warwick, ndaga jitshi mbawumona mbajikolesa gutshigina guaye egi Yehowa udi mutuameza nu mubamba akombeledi enji?