Mavu “Aminyine Muta”

Sendese mualeha, mafumu a leta ana gukuatesa akombeledi a Yehowa mu matangua a gudisha. (Ez 6:1-12; Es 8:10-13) Ikhale mangino, tuana gumona luholo “mavu,” adi mumonesa mafumu a leta anyi ashigo enya ndaga jiakola-kola—ana guminya “muta,” yakotelesa malamba ana guzola “delago,” Satana Diabulu. (Yat 12:16) Matangua ako, Yehowa ‘Nzambi wana guhuluisa,’ wajiya gutuma mafumu a leta ha gukuatesa akombeledi enji.​—Ngi 68:20; Ish 21:1.

Uvi, itshi wajiya gutshita gula wambiwa mubologo mukunda nu gutshigina guaye? Utangizago nga hazonda egi Yehowa gashigo mumona ndaga idi gugubuila. (Gis 39:21-23; Ngi 105:17-20) Sha mutshima egi gutshigina guaye mbagushimbigiwa, nu jiya gujinginyina guaye guana gukolesa aphangi’aye a ha mavu agasue.​—Fili 1:12-14; Yat 2:10.

TALENU VIDEO APHANGI A GU CORÉE AZOLEWA MU BOLOGO, GUNGIMA, HANENU MVUTU GU MIHU EYI:

• Mukunda natshi aphangi’etu avula a gu Corée du Sud ambiwe mu bologo ivo yabalega?

• Badesizio atshi tribinale yazudile, atshitshile egi aphangi’etu ako azolewe muphushi mu bologo?

• Luholo lutshi tuajiya gukuatesa aphangi’etu a ha mavu agasue adi mu bologo mukunda nu gutshigina guawo?

• Luholo lutshi tudi naye gukalegela tangua dietu hatushigo mu bologo?

• Nanyi wana gutukuatesa ha gubinga milonga gu tribinale?