Yesu Wafile Nji Mukunda nu Phangi’Aye

Yesu wahanele monyo wenji mukunda nu athu ashigo atagana. (Lomo 5:8) Idi yadiago egi, tuana gusuanguluga nu guzumba guatumonesele Yesu luholo wahanele monyo wenji mukunda nu esue. Hene, matangua ako, tudi naye gutangiza egi Yesu wafile nji mukunda nu phangi’etu. Luholo lutshi tuajiya gumonesa guzumba gifua Klisto gudi aphangi’etu a mala nu a akhetu adi ashigo atagana gifua esue? Tutadilenu maluholo thathu tuajiya gumonesa guzumba guene. Thomo, tuajiya gukuata ufuta nu aphangi ako tushigo nawo zuelelo dimoshi, gifutshi gimoshi, dimbo dimohsi nga gilema gia muila gia gudisha nu esue. (Lomo 15:7; 2Kol 6:12, 13) Ya mbadi, tudi naye gutuna guzuela nga gukalagala ndaga jiajiya gusagesa aphangi ako. (Lomo 14:13-15) Ya thathu, gula phangi mumoshi watukalegela gubola, tudi naye gumutotesela muphushi. (Luka 17:3, 4; 23:34) Gula tudi mukalagala ngolo ha gulandula khadilo dia Yesu mu maluholo awa thathu, Yehowa mbawutukuatesa ha gujinga hamoshi nu gukhala nu guhuima mu hungu dietu.

TALENU VIDEO KHALA MUTADILA APHANGI’AYE MU LUHOLO LUABONGA! GUNGIMA HANENU MVUTU GU MIHU EYI:

• 

  Gu gisendeselo, luholo lutshi phangi Miki wakhalele gudivua mu hungu dienji dihe-dihe?

• 

  Itshi yamusombegesele?

• 

  Luholo lutshi khadilo dia Yesu diakuatesele phangi Miki ha gulondega luholo luenji lua gutangiza? (Mako 14:38)

• 

  Luholo lutshi Ishima 19:11 yajiya gutukuatesa ha gukhala nu matangi abonga mukunda nu aphangi’etu Aklisto?