‘Marchons par la foi, non par la vue’ (Tuwende mu gutshigina, uvi mu gumona gu meso ndo)
Tangua diazonda gutuama dia gumuangewa gua Yelusalema, Pholo wasonegele egi Aklisto adi gifua masuta (masalayi) a Yesu, hakiene adi naye gujiya egi malamba ajiya guabuila, uvi ashinaye ndo guhaga lujingu luawo nu gusuanguluga guawo ha fundo diathomo. (2 Tim. 2:3, 4) Luholo tudi gujinga nu athu anako gunemesa Nzambi, tudi naye gukhala nu gutshigina guakola ha gukalagala milonga ya mu nyuma. (2 Kol. 4:18; 5:7) Talenu video “Marchons par la foi, non par la vue”. (Nginenu mu site Internet yetu jw.org, buetenu ha fundo dia sonegewa egi PUBLICATIONS gungima buetenu luko ha fundo dia sonegewa egi VIDEOS.) Talenu luholo Naham nu Abital ahetele malamba, mukunda akhadile nu guzumba guavula gua ikumba yawo. Gungima dienji, tadilenu mihu eyi:
(1) Mu sungi yathomo ‘mukuludi wabola, wamagana mu fundo dia gijila’ wakhadile nanyi? Luko, gima gitshi gia ndando Aklisto a gu Yelusalema akhadile naye gukalagala? (Mat. 24:15, 16) (2) Mukunda natshi yatogele gukhala nu gutshigina ha gulenga dimbo diene? (3) Lamba ditshi akhadile naye gumona tangua dia gulenga? (4) Mukunda natshi Naham nu Abital ashiphile ha guzoga mu dimbo? (Mat. 24:17, 18) (5) Luholo lutshi gutshigina gua Rachel gualolewe tangua dia guzoga mu Yelusalema? (Mat. 10:34-37; Mako 10:29, 30) (6) Luholo lutshi Ethan amonesele gutshigina guakola, ha gushila Yehowa mutshima? (7) Malamba atshi Aklisto ataganyile nawo mu dimbo dia Pela? (8) Luholo lutshi gutshigina gua Naham nu Abital guakhadile guleba mage mage? (9) Luholo Lutshi Yehowa akuatesele aklisto akhadile gu pella? (Mat. 6:33; 1 Tim. 6:6-8) (10) Hatudi musuena mu gisugishilo gia mavu awa, luholo lutshi tuajiya gulandula makalegelo a Abalahama nu Sala? (Heb. 11:8-10) (11) Luholo lutshi Naham nu Abital adidimbile ha guvutuga gu Yelusalema? Mukunda natshi matangi awo akhadile abola? (Luka 21:21) (12) Havutugile Naham nu Abital gu Yelusalema, ndaga jitshi asangele guene? (13) Mukunda natshi tudi naye gukolesa gutshigina guetu mangino—tangua gisugishilo giamavu awa khenji giza ndo?—Luka 17:31, 32; 21:34-36.
Guwenda mu gutshigina guakotelesa (1) gushia mutshima mu utuameji wa Yehowa, (2) gutshigina egi Yehowa atuameze lujingu luetu, (3) gumonesa egi tuana gushia milonga ya mu nyuma ha fundo dia thomo. Mukut’etu agasue, tuzule desizio dia guwenda mu gutshigina, tujiye egi “mavu adi mutota nu ngina yawo, uvi yago udi mutshita gifua muatshigina Nzambi mbawukhala ivo nu ivo.”—1 Yone 2:17.