BEIBEL TA KAMBIA BIDA DI HENDE

Nan A Haña un “Pèrla di Gran Balor”

Hesus a siña hende ku e Reino di Dios lo resolvé problema di henter humanidat. (Mateo 6:10) Na Mateo 13:44-46, el a konta e siguiente dos ilustrashonnan ku ta mustra e importansia di sa e bèrdat tokante e Reino di Dios:

Kolekshon di plachi: Dos hòmber den e ilustrashonnan di Hesus. 1. Un hòmber ta koba den un tereno, i el a keda sorprendí pa loke el a haña. 2. Un otro hòmber ta wak un pèrla ku e tin den su man, i e ta smail.

Un hòmber tabata traha riba su tereno anto, sin ku e tabata spera, el a haña un tesoro skondí.
Un komersiante ku tabata biaha en buska di pèrla presioso a haña un pèrla di gran balor.

Tur dos hòmber a bende tur loke nan tabatin pa nan por a optené e tesoro ku nan a haña. E hòmbernan akí ta representá hende ku ta balorá e Reino asina tantu ku nan ta hasi hopi sakrifisio pa nan por haña e bendishonnan ku e Reino lo trese. (Lukas 18:29, 30) Den e vidio akí, wak e historia di dos persona ku ta manera e hòmbernan den e ilustrashonnan di Hesus.