Pintamentu Ta Yuda Bo Keda Kòrda

No ta semper fásil pa kòrda loke bo a kaba di studia. Pero, bo a ripará ku bo no tin problema pa keda kòrda Hesus su ilustrashonnan? Esei ta pasobra bo por mira i imaginá su ilustrashonnan. Meskos lo pasa si bo purba di visualisá loke bo ta bezig ta studiando. Un manera ku bo por hasi esei ta dor di pinta.

Hende ku ta pinta e kosnan ku nan ta siña hopi biaha ta keda kòrda nan. Dikon? Pasó esei ta yuda nan no djis kòrda e palabranan pero tambe e puntonan prinsipal. Loke nan pinta no ta un obra di arte pero djis algu simpel. Anto e método akí ta yuda foral hende di edat.

Pues, e siguiente biaha bo studia, purba di pinta algu di loke bo ta siñando. Lo bo keda sorprendí di kuantu kos lo bo keda kòrda!