Keda Leal na Yehova Segun ku Fin Ta Aserká

DIKON ESAKI TA IMPORTANTE: Pronto algun suseso remarkabel lo tuma lugá. E susesonan akí lo pone nos kurashi i konfiansa den Yehova na prueba manera nunka promé. Tribulashon grandi lo kuminsá ku destrukshon di religion falsu. (Mat 24:21; Rev 17:16, 17) Kisas nos lo prediká un mensahe di huisio fuerte durante e tempu turbulento ei. (Rev 16:21) Gòg di Magòg lo ataká nos. (Eze 38:10-12, 14-16) Ora esei sosodé, Yehova lo trese “e guera ku lo tuma lugá riba e gran dia di Dios, e Todopoderoso.” (Rev 16:14, 16) Pa nos por enfrentá e futuro susesonan akí ku kurashi, nos mester ta determiná pa keda leal na Yehova durante e pruebanan ku nos ta enfrentá for di aworakí.

KON PA HASI ESAKI:

• Ku kurashi, defendé Yehova su normanan moral haltu i biba di akuerdo ku nan.—Isa 5:20

• Sigui adorá Yehova huntu ku nos rumannan.—Heb 10:24, 25

• Obedesé e instrukshonnan ku nos ta haña for di Yehova su organisashon.—Heb 13:17

• Meditá riba e manera ku Yehova a salba su pueblo den pasado.—2Pe 2:9

• Resa na Yehova i konfia den dje.—Sl 112:7, 8

WAK E VIDIO FRAGMENTO DI ALGUN SUSESO DI FUTURO KU TA REKERÍ PA NOS TIN KURASHI, I DESPUES KONTESTÁ E SIGUIENTE PREGUNTANAN:

• 

  Ki prueba di obedensia e publikadónan di un kongregashon a enfrentá ora nan mester a djòin otro kongregashon?

• 

  Kon obedensia ta yuda nos kultivá mas kurashi?

• 

  Dikon nos mester di kurashi ora Armagedon dal aden?

• 

  Ki relato di Beibel por duna nos mas konfiansa ku Yehova lo salba nos?—2Kr 20:1-24