Yehova Ta Stima Hende Limpi

Hopi mayor ta hasi esfuerso pa siña nan yunan pa ta hende limpi. Ta normal pa tende nan bisa: “Laba bo man. Hasi bo kamber limpi. Bari kas. Saka e ko’i sushi afó.” En realidat, loke nan ta purba di siña nan yunan tokante limpiesa i higiena ta bini di Yehova, e Dios santu. (Éks 30:18-20; Deu 23:14; 2Ko 7:1) Ora nos ta tene nos kurpa i nos kosnan limpi, nos ta onra Yehova. (1Pe 1:14-16) Pero kiko di nos kas i rònt di nos? Diferente for di hende ku ta tira sushi abou i den mondi, nos komo kristian ta hasi esfuerso pa tene nos planeta limpi. (Sl 115:16; Rev 11:18) Asta den kos chikitu nos por demostrá ku nos ta hende limpi. Por ehèmpel, unda bo ta benta papel di mangel, bleki di limonada òf bals? Pues, “den tur sentido nos [ke] rekomendá nos mes komo sirbidó di Dios.”—2Ko 6:3, 4.

WAK E VIDIO DIOS TA STIMA HENDE LIMPI, I DESPUES KONTESTÁ E SIGUIENTE PREGUNTANAN:

• Ki èksküs algun hende tin pa no tene nan kosnan limpi?

• Kon Lei di Moises a mustra loke Yehova ta pensa tokante limpiesa?

• Kon nos por duna alabansa na Yehova sin papia ni un pia di palabra?