Kòrda e Kasá di Lòt

Dikon e kasá di Lòt a wak patras ora e tabata hui for di Sódoma? Beibel no ta bisa. (Gén 19:17, 26) E konteksto di Hesus su spièrtamentu ta indiká ku kisas el a anhelá e kosnan ku el a bai laga atras. (Luk 17:31, 32) Kiko nos mester hasi pa no pèrdè aprobashon di Dios manera a pasa ku e kasá di Lòt? E deseo pa kos material no mester ta e kos di mas importante den nos bida. (Mat 6:33) Hesus a siña nos ku nos “no por ta esklabo di Dios i di Rikesa.” (Mat 6:24) Pero kiko si nos ripará ku kos material a kuminsá kita tempu for di nos aktividatnan spiritual? Nos por pidi Yehova yuda nos mira ki kambio nos mester hasi i pa é duna nos e kurashi i forsa pa hasi e kambionan ei.

REPASÁ E VIDIO DI TRES PARTI KÒRDA E KASÁ DI LÒT I KONTESTÁ E SIGUIENTE PREGUNTANAN:

• 

  Kon e preshon pa gana mas plaka a influensiá Gloria su pensamentu, su manera di papia i su echonan?

• Kon e ehèmpel di e kasá di Lòt ta un spièrtamentu pa nos awe?

• Kon prinsipio bíbliko a yuda Joe ku su famia?

• Ki influensia Ana su koleganan di trabou tabatin riba su spiritualidat?

• Dikon nos tin mester di kurashi si nos haña nos ku preshon pa pone plaka na promé lugá?

• Kiko Brian ku Gloria a hasi pa bolbe pone kos spiritual na promé lugá?

• Menshoná algun prinsipio di Beibel ku ta bini padilanti den e vidio akí.