Biba pa Alabá Yehova!

Bida ta un regalo presioso. E manera ku nos ta hiba nos bida di tur dia ta demostrá kuantu nos ta balorá bida. Komo Testigu di Yehova, nos ke usa nos talento- i abilidatnan pa duna gloria i onor na Yehova, nos Kreador. (Sl 36:9; Rev 4:11) Sinembargo, bida den e mundu malbado akí ta yen di ansiedat, i esei por hasi ku masha lihé nos ta pone metanan spiritual na di dos lugá. (Mar 4:18, 19) P’esei, nos mester puntra nos mes: ‘Di bèrdat mi ta duna Yehova lo mihó di mi mes? (Osé 14:2, NW) Mi trabou òf karera ta stroba mi sirbishi na Yehova? Ki meta spiritual mi tin? Kon mi por amplia mi sirbishi?’ Si bo ta mira ku bo tin ku mehorá den sierto kosnan, pidi Yehova pa yuda bo i hasi e kambionan nesesario. Sin duda, alabá Yehova tur dia ta duna nos satisfakshon i felisidat!—Sl 61:8.

WAK E VIDIO USA BO TALENTO PA SIRBI YEHOVA, I KONTESTÁ E SIGUIENTE PREGUNTANAN:

• Dikon no ta sabí pa duna bo talentonan na e mundu di Satanas? (1Hn 2:17)

• Ki bendishonnan nos lo haña si nos duna Yehova lo mihó?

• Den ki forma di sirbishi sagrado bo por usa bo talento-  i abilidatnan?