Si Bo Tin Mester di Literatura na Otro Idioma Mesora

Tin bes nos ta topa hende ku ta preferá di lesa nos literatura den un idioma ku nos kongregashon no tin na stòk. Bo tabata sa ku si bo tin akseso na Internet i un printer, bo mes por print literatura den mas o ménos 400 idioma? Wak kiko bo tin ku hasi:

• Bai na www.watchtower.org, nos website ofisial.

• Na man drechi di e página tin un lista kòrtiku di idioma. Klek riba e globo pa mira e lista di tur e idiomanan ku tin disponibel.

• Klek riba e idioma ku bo ke. Un página lo aparesé ku ta mustra bo loke ku bo por print, manera tratado, foyeto, artíkulo, etcetera. Siendo ku e página akí ta skirbí den e idioma ku bo a skohe, no preokupá si bo no ta komprondé e títulonan.

• Klek riba kualke kos. E informashon lo aparesé riba pantaya i bo por print esaki, usando e símbolo di print ku tin riba bo programa di Internet.

Nos website tin solamente un par di publikashon; otro publikashonnan bo por haña via di kongregashon. Unabes ku bo a lanta interes di e hende, ta mihó pa bo hasi pedido na Salòn di Reino.