Kantika 126
Un Kas Trahá ku Amor
Edishon Imprimí
1. Nos Dios i Tata stimá,
no tin palabra pa ekspresá
nos gratitut i amor.
Danki, Dios! Bo ta bon pa nos.
Pa bo spiritu guiá,
un kas nos a edifiká,
i at’akí awor,
nos labor b’a bendishoná.
(REFREIN)
Ki un onor, Señor Yehova,
pa regalá bo un lugá
dòrná ku e nòmber mas bunita i elevá
i ku nos ke santifiká.
2. Wak kuantu amigu stimá;
wak kuantu union, felisidat!
Te den eternidat
nos lo tin e rekuerdonan.
Nos por a sinti bon kla
kon bo spiritu a operá,
i ta felis di sa
kon bo nòmber a ser halsá.
(REFREIN)
Ki un onor, Señor Yehova,
pa regalá bo un lugá
dòrná ku e nòmber mas bunita i elevá
i ku nos ke santifiká.
(Wak tambe Sal. 116:1; 147:1; Rom. 15:6.)