Salubridat—Kiko e Reino di Dios Lo Hasi pa Humanidat?

‘E echo ku e situashon mundial relashoná ku COVID-19 no ta manera e tabata na komienso di e pandemia no ta nifiká ku COVID-19 no ta sigui ta un menasa mundial. Ora un otro pandemia bati na nos porta, nos mester ta prepará, pasobra ta bai tin otro pandemia.’—Dr. Tedros Adhanom Ghebreyesus, Direktor General di Organisashon Mundial di Salú, 22 di mei 2023.

Ketu bai, tin hopi hende ta sufri físikamente i mentalmente debí na e efektonan di COVID-19. E gobièrnunan i e institutonan di salubridat ta prepará pa un próksimo pandemia? Nan por trata ku e problemanan di salú ku hende tin aktualmente?

Beibel ta papia di un gobièrnu ku sí por solushoná tur e problemanan di salú ku nos ta haña nos kuné. Beibel ta bisa ku “Dios di shelu lo lanta un reino [òf gobièrnu].” (Dánièl 2:44) Bou di e gobièrnu ei, “niun habitante . . . lo no bisa: ‘Mi ta malu.’” (Isaías 33:24) Tur hende lo ta bon di salú, i nan lo tin hopi energia.—Yòb 33:25.