Manahen—Sirbi Yehova Mester Ta e Kos di Mas Importante den Bo Bida

Den promé siglo, Manahen tabata parti di e grupo di ruman hòmber ku tabata dirigí e kongregashon na Antiokia. El a “ser eduká huntu ku Heródes, e gobernante di distrito.” (Echo. 13:1) Pues, Manahen a haña bon edukashon i kisas el a asta lanta den un famia ku tabatin sèn.

Apesar di esei, Manahen a skohe pa bira un kristian. E no a usa su edukashon ni su konosínan ku tabatin moda pa yud’é bai dilanti den bida. Na lugá di esei, el a traha duru den e kongregashon pa yuda su rumannan.

E ehèmpel di Manahen ta siña nos ku sirbi Yehova i keda okupá ku kosnan spiritual ta mas importante ku buska fama òf rikesa. (Mat. 6:33) Aunke ku edukashon ta importante, nos ke “sigui hasi sigur kiko ta e kosnan mas importante.” Pues nos no ke laga nada distraí nos di sirbi Yehova.—Flp. 1:​9, 10.