Yudansa pa Hende Muhé Ku Ta Víktima di Abusu

E artíkulo “Siguridat di Hende Muhé—Kiko Beibel Ta Bisa?” riba jw.org ta kuminsá ku e palabranan ei. Na final di e artíkulo tin un lenk pa download e artíkulo den formato PDF. Anto ora bo prent e i dobl’é, e ta forma un tratado di kuater página. Un ruman na Merka ku yama Stacy a bisa: “M’a prent algun kopia i ami huntu ku un otro ruman muhé a hiba nan na un sentro òf shèlter kaminda ta kuida hende muhé ku ta den peliger.”

Un persona ku ta traha einan a puntra nos si e por a haña mas kopia di e tratado pa parti pa e hende muhénan ku ta biba einan. Nos a laga 40 kopia mas di e tratado i 30 karchi di kontakto di jw.org. Mas despues, un manager einan a pidi nos pa mustra e hende muhénan kon un estudio di Beibel ta bai.

Stacy i dos ruman muhé mas a bai na un otro shèlter. Einan nan a laga sinku kopia di e tratado, i e empleadonan a pidi pa trese mas. Un di e empleadonan a bisa: “E tratado akí sigur lo yuda e hende muhénan ku ta kedando akinan. Esaki ta nèt loke nos tabatin mester.” Ora e rumannan a bolbe, algun di e hende muhénan ku ta biba einan kier a wak kon un estudio di Beibel ta bai. Dos di nan kier a asistí na un reunion na un Salòn di Reino e siguiente wikènt.

Stacy a bisa: “Nos a keda masha kontentu pa mira kon hende ta apresiá e bunita artíkulo ei. Anto un bon manera pa kompartí e mensahe di Reino ku e grupo spesífiko akí, ta di prent e tratado i duna nan e. Ta bunita pa mira kon nan ta reakshoná ora nan haña e informashon ei. Nos ta ansioso pa wak kon Yehova ta bai yuda nos pa sigui kompartí e bon notisia di Reino ku e hende muhénan ei.”