Kon pa Hasi Mihó Uso di e Publikashon Bo Por Disfrutá di Bida pa Semper!

Den e buki Bo Por Disfrutá di Bida pa Semper! tin hopi vidio. Ademas, tin vários pregunta ku por yuda bo haña sa kiko bo studiante su opinion ta. Bo ta apresiá e vidio i preguntanan akí? Awor kiko di e sekshonnan “Loke Hende Sa Bisa,” “Meta” i “Mas Informashon Interesante”? Kiko mas lo por yuda bo segun ku bo ta dirigí un estudio di Beibel?—Mat 28:19, 20.

Vidio i Otro Publikashon: Si bo ta preferá pa dirigí un estudio di Beibel usando un buki imprimí, unda bo por bai pa haña tur vidio i publikashon di un lès den e mesun lugá? Den e buki digital, skohe un di e kuater sekshonnan. Bou di e lista di tema di e sekshon ei, bo por skohe tur vidio i publikashon di e sekshon. (Wak plachi 1.)

“Printed Edition”: Si bo ta usando e vershon digital pa studia ku un persona, kisas lo ta bon pa bo usa e opshon pa mira e vershon imprimí na algun okashon durante e estudio. Ora bo ta na e lès, primi riba e tres puntonan ful ariba na banda drechi di e página i skohe “Printed Edition.” Ora bo ta wak e vershon imprimí, esei por yuda bo tene na mente kon e material ku bo ta bezig ta trata ta pas ku e tema general di henter e lès. Pa bo bai bèk na e vershon digital, primi riba e tres puntonan atrobe i skohe “Digital Edition.”

“Mi Ta Kla?”: E kuadronan ku ta kasi na final di e buki den sekshon 4 ta mustra e studiante kiko e mester hasi pa kualifiká pa prediká ku e kongregashon i batisá. (Wak plachi 2.)

Nota: E notanan ta duna mas splikashon di algun tópiko importante. E buki digital tin un link na final di kada nota ku ta hiba bo bèk unda bo a keda den e lès. (Wak plachi 2.)