Sigui Usa Nos Revistanan

Desde 2018, kada edishon di nos revistanan pa públiko ta trata un solo tópiko. Tur e revistanan akí ta parti di e publikashonnan ku tin den nos Kaha di Hèrmènt pa Siña Hende e Bèrdat. Pues, nos por usa nan den sirbishi. Ademas, ta bon pa nos tin algun revista huntu ku nos ora di sali bai hasi diligensia òf ora nos sali bai hasi kompra. Di e manera ei, nos por ofresé nan na hende ku nos topa. Nos no ta usa e revistanan akí pa studia Beibel ku hende. Sinembargo, nos por usa nan pa lanta hende su interes pa siña mas tokante Dios.

Despues ku nos kuminsá un kòmbersashon ku un persona, nos por lesa un teksto di Beibel i papia tokante un tópiko den e revista ku lo por interes’é. Por ehèmpel, si un persona mester perkurá pa su famia, a pèrdè un ser kerí den morto òf tin strès, bo por bis’é: “Resientemente, mi a lesa un bon artíkulo tokante e tópiko ei. Mi por mustra bo e?” Si bo ripará ku e persona ta interesá, bo por dun’é e revista den forma imprimí òf bo por manda e revista p’e den forma elektróniko. Bo por ofresé un revista na e promé kòmbersashon mes. Aunke nos meta prinsipal no ta pa laga publikashon, nos revistanan por yuda nos haña hende ku ta dispuesto pa apliká loke nan ta siña.—Ech 13:48.

2018

2019

2020