Kon Pa Mehorá Bo Sirbishi​—Prediká via Kámara òf Interkòm

DIKON ESAKI TA IMPORTANTE: Mas i mas hende ta instalá kámara òf interkòm na nan kas debí na avanse den teknologia i oumento di kriminalidat. Kisas nos tin miedu di prediká na un persona ku nos no ta mira pero ku sí ta mira nos. E siguiente puntonan lo yuda nos haña mas konfiansa ora di prediká via kámara òf interkòm.

KON PA HASI ESAKI:

• Keda positivo. Hopi persona ku tin kámara òf interkòm ta dispuesto pa kòmbersá ku nos

• Tene kuenta ku algun persona su kámara por kuminsá graba bo promé ku bo primi bèl, i e persona por mira bo i skucha bo asina ku bo ta aserkando su porta

• Ora e persona kontestá, papia den e interkòm òf kámara komo si fuera bo ta papiando kara-kara ku e persona. Smail i hasi gesto na un manera natural. Hasi bo presentashon manera lo bo a hasié si e persona lo a bin atendé bo na porta. Si tin un kámara, no hala demasiado serka di e kámara. Si e persona no kontestá, no laga mensahe

• Ora bo kaba di papia ku e persona, kòrda ku kisas e persona por sigui mira bo òf skucha bo