Kiko Bo Por Siña for di e Rumannan Ku Tin Hopi Tempu Ta Sirbi Yehova?

Den nos kongregashonnan, tin ruman ku ta sirbiendo Yehova pa hopi aña kaba. Nos por siña for di e manera ku nan ta konfia den Yehova. Nos por puntra nan tokante e historia di Yehova su organisashon i tokante e pruebanan ku nan a enfrentá i kon Yehova a yuda nan vense esakinan. Nos por asta invitá e kerido rumannan akí na nos anochi di Adorashon Komo Famia i pidi nan konta nos nan eksperensianan.

Si bo tin hopi tempu ta sirbi Yehova kaba, konta e rumannan mas yòn kon Yehova a yuda bo. Yakòb i Yosef a konta nan miembronan di famia ku tabata mas yòn tokante e kosnan ku Yehova a hasi pa nan. (Gén 48:21, 22; 50:24, 25) Mas despues, Yehova a bisa e kabesnan di famia pa siña nan yunan tokante Su obranan poderoso. (Deu 4:9, 10; Sl 78:4-7) Den nos tempu, mayor i otro kristian den kongregashon por konta e rumannan mas yòn tokante e kosnan maravioso ku nan a mira Yehova hasi mediante su organisashon.

WAK E VIDIO KEDA UNÍ DURANTE PROHIBISHON I DESPUES KONTESTÁ E SIGUIENTE PREGUNTANAN:

• Kon e sukursal di Austria a yuda e rumannan ku tabata biba na sierto pais kaminda nos obra tabata prohibí?

• Kiko a yuda e rumannan na e paisnan akí mantené nan fe fuerte?

• Dikon hopi publikadó na Rumania a separá nan mes for di e organisashon di Yehova, i kon nan a bolbe na e organisashon?

• Kon e eksperensianan akí ta fortalesé bo fe?