TESORO DI E PALABRA DI DIOS | GÉNESIS 40-41
Yehova A Libra Yosef
Yosef tabata esklabo i prizonero mas o ménos 13 aña. El a sufri tur e añanan ei promé ku Yehova a libr’é for di su situashon. Yosef no a bira amargá; mas bien, el a laga e situashon akí refin’é. (Sl 105:17-19, NW) E tabata sa ku Yehova nunka a bandon’é. Kon Yosef a saka lo mihó for di su situashon?
E tabata traha duru i tabata konfiabel, i esei a duna Yehova motibu pa bendishon’é.—Gén 39:21, 22
El a trata otro hende bon i no a purba di tuma vengansa riba e hendenan ku a trat’é malu.—Gén 40:5-7
Kon e relato di Yosef por yuda mi perseverá durante prueba?
Kon mi por saka lo mihó for di mi situashon tanten ku mi ta warda riba Yehova su liberashon na Armagedon?