Kaha di Pregunta

◼ Na Ki Momento Ta Apropiá pa Stòp ku un Estudio di Beibel?

Si un studiante no ta progresá spiritualmente, kisas lo bo tin ku stòp ku e estudio di Beibel. (Mat. 10:11) Puntra bo mes: ‘E t’ei pa su estudio tur siman? E ta prepará e lès adelantá? E ta asistí na algun reunion di kongregashon? E ta papia ku otro hende tokante loke e ta siña? E ta hasiendo kambio den su bida na armonia ku prinsipionan di Beibel?’ Klaru ku bo tin ku tene kuenta ku edat i abilidat di kada studiante. Ademas, kòrda ku no ta tur hende ta progresá mes lihé. Si bo disidí di stòp ku e estudio, hasié na un manera ku porta ta keda habrí por si akaso e studiante ke studia atrobe.—1 Tim. 2:4.