E Palabra di Dios Tin Efekto Riba Bo Bida di Tur Dia?

Lesamentu di Beibel tur dia por yuda nos haña un fe firme i stabil. (Kol. 2:6, 7) Sinembargo, pa e Palabra di Yehova por tin efekto riba nos bida, nos tin ku meditá riba loke nos ta lesa i pon’é na práktika. (Heb. 4:12; Sant. 1:22-25) Hosue 1:8 ta menshoná tres paso ku por yuda nos logra esei: (1) Lesa Beibel “di dia i anochi.” (2) Les’é na un ritmo ku ta permití bo “meditá” riba loke bo ta lesa i imaginá e situashon i sirkunstansianan. (3) Hasi máksimo esfuerso pa pone “tur loke tin pará skirbí den dje” na práktika. Ora nos sigui e sugerensianan akí, nos lo “tin éksito” i lo tuma desishonnan sabí den nos bida.