Logronan Sobresaliente di Sirbishi

Nos ta kontentu pa informá boso ku e rapòrt di sirbishi di aña 2014 ku a terminá na ougùstùs último ta duna muestra ku Yehova ta bendishonando su obra riba e islanan ABC. E máksimo nobo di publikadó tabata 3.066. Aruba a registrá un oumento di 2% di publikadó riba e aña anterior, Boneiru 5% i Kòrsou 3%. Tambe ta masha animante pa mira ku e promedio di publikadó pa habitante pa tur tres isla huntu ta di 1 pa 92. Esun di Kòrsou ta di 1 pa kada 79 habitante! E kantidat di estudio di 3.487 ku ta ser dirigí riba tur tres isla ta indiká tambe ku tin bon potensial pa mas oumento.