Kon Nos Por Splika Nos Kreensianan Tokante 1914?

Beibel ta animá nos pa ta “kla pa defendé” nos kreensianan na “un manera suave i ku rèspèt profundo.” (1 Ped. 3:15) Realidat ta ku no ta fásil pa splika siñansanan profundo di Beibel, manera por ehèmpel, ku e Reino a kuminsá goberná na 1914. Pa nos haña un idea kon pa splika esaki, nos por hasi uso di e seri di dos parti titulá: “Un Kòmbersashon Interesante Tokante Beibel—Na Ki Tempu e Reino di Dios a Kuminsá Goberná?” E artíkulonan akí ta den e edishonnan di E Toren di Vigilansia ku nos lo usa den sirbishi den òktober i novèmber. Ora bo ta analisá e artíkulonan akí, tene e siguiente preguntanan na mente relashoná ku e manera ku Robert, e publikadó, a trata e tópiko.

Kon el a . . . . . .

• buska un base komun i elogiá Frank?—Echo. 17:22.

• mustra humildat ora e tabata splika su kreensianan?—Echo. 14:15.

Dikon tabata bon ku . . .

• el hasi un resúmen di loke el a kaba di trata promé ku el a pasa pa otro punto?

• el a para ketu na sierto momento pa hasi pregunta pa wak si Frank a komprondé e splikashon?

• e no a trata demasiado informashon den un tiru?—Huan 16:12.

Nos ta masha kontentu ku Yehova, nos Gran Instruktor, ta yuda nos splika bèrdatnan profundo di Beibel na hende ku ke komprondé nan!—Isa. 30:20, NW.