Anunsio

◼ Oferta di literatura pa mei i yüni: Usa e tratado Bo Ke Haña Sa e Bèrdat? Si e persona ta interesá, mustr’é kon nos por studia Beibel kuné for di e buki Beibel Ta Siña òf e foyeto Skucha Dios òf Skucha Dios i Biba pa Semper. Yüli i ougùstùs: Usa e foyeto Dios Tin Bon Notisia pa Nos! òf un di esnan ku e kongregashon tin na stòk i ku hende den bo teritorio lo haña interesante.

◼ Kuerponan di ansiano mester repasá e karta di 6 di yanüari 2012 relashoná ku preparashon pa desaster. Nan mester hasi sigur ku nan tin informashon al dia tokante kon pa tuma kontakto ku kada publikadó. Naturalmente, ora no tin un situashon di emergensia tambe ta bon pa publikadónan informá nan superintendente di grupo òf un otro ansiano si nan ta bai ta ousente pa un periodo largu; por ehèmpel, ora nan ta bai di biahe pa fakansi òf pa trabou òf si nan tin ku bai hospital.