Kiko Nos Por Bisa di e Revistanan

E Toren di Vigilansia 1 di Ougùstùs

“Hopi hende tin miedu ku un guera nuklear òf kambio di klima lo destruí tera. Bo ta kere ku esei lo sosodé un dia? [Permití e persona kontestá.] Mira kiko Beibel ta bisa tokante e tópiko akí. [Lesa Revelashon 11:⁠18.] E revista akí ta kontestá kuater pregunta ku hende sa hasi tokante fin di mundu.”

¡Despertad! Ougùstùs

“Hopi pelíkula awendia ta kontené demonismo, bruheria i magia. Bo ta kere ku demoño ta eksistí? [Permití e persona kontestá. Despues lesa 1 Korintionan 10:⁠20.] E artíkulo akí ta mustra kiko Beibel ta bisa tokante demoño i kon nos por protehá nos mes for di nan.” Hala atenshon na e artíkulo ku ta kuminsá na página 20.

E Toren di Vigilansia 1 di Sèptèmber

Menshoná un notisia ku ta preokupá hende den teritorio. Despues bisa: “Bo a yega di puntra bo mes dikon hende ta hasi asina hopi kos malu? [Permití e persona kontestá.] Pero Beibel ta mustra dikon nos por karga speransa. [Lesa 2 Pedro 3:⁠13.] E revista akí ta duna un splikashon bíbliko dikon tin maldat i kon pronto Dios lo pone un fin na dje.”

¡Despertad! Sèptèmber

“Bo ta kere ku telefòn selular, E-mail, chat room di Internet i otro medionan di komunikashon a kita hende su soledat òf a kontribuí na dje? [Permití e persona kontestá.] Wak un sugerensia akí pa yuda hende trata ku soledat. [Lesa Echonan 20:⁠35.] E revista akí ta duna mas konseho práktiko for di Beibel.”