Anunsio

◼ Oferta di literatura pa yüni: Kiko Beibel Ta Siña Realmente? Si e doño di kas tin e buki kaba, por ofres’é kualke buki di 192 página ku su blachinan a bira hel òf a kambia koló òf kualke buki publiká promé ku 1992. Yüli i ougùstùs: Por usa e foyetonan di 32 página. Ta bon pa kongregashonnan presentá e foyetonan ku tin di mas den stòk.

◼ Ki ora ku bo ta plania pa bishitá un pais ku no ta menshoná na nòmber den e rapòrt di sirbishi di e aña koriente òf di kua su adrès no ta menshoná riba e último página di e Anuario mas resien, sea asina bon di tuma kontakto ku bo sukursal pa hasi sigur ki medidanan di prekoushon lo bo tin ku tuma òf ki instrukshon spesial lo bo tin ku sigui. Kisas tin sierto restrikshonnan riba e obra di Reino den e pais ei. (Mat. 10:16) Den algun pais kisas no ta konsehabel pa bishitante tuma kontakto ku e Testigunan òf kongregashonnan lokal. Tambe bo por haña instrukshon relashoná ku dunamentu di testimonio informal òf hibamentu di literatura. Ta bon pa sigui e instrukshon risibí; esei lo prevení problema innesesario tantu pa abo komo pa e obra di Reino.—1 Kor. 14:33, 40.