Anunsio

◼ Oferta di literatura pa mei: E Toren di Vigilansia i ¡Despertad! Ora di rebishitá hende interesá, bishitá tambe esnan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé nan e buki Kiko Beibel Ta Siña Realmente? ku e meta pa kuminsá un estudio di Beibel. Yüni: Kiko Beibel Ta Siña Realmente? Si e doño di kas tin e buki kaba, por ofres’é kualke buki di 192 página ku su blachinan a bira hel òf a kambia koló òf kualke buki publiká promé ku 1992. Yüli i ougùstùs: Por usa e foyetonan di 32 página. Ta bon pa kongregashonnan menshoná kua ta e foyetonan ku tin di mas den stòk.

◼ Ora bo plannan di biahe ta inkluí asistensia na e reunionnan di kongregashon, òf na un asamblea òf kongreso di distrito den un otro pais, bo mester dirigí bo petishon pa haña informashon tokante fecha, ora i sitio di reunion na e ofisina di sukursal ku ta supervisá e obra den e pais ei. Por haña adrès di ofisinanan di sukursal na e último página di e Anuario mas nobo.

◼ Kongregashonnan por ahustá e programa di e Reunion di Sirbishi e siman promé ku e Kongreso di Distrito “Keda Alerta!” di manera ku nan por repasá e konseho- i rekordatorionan tokante e kongreso. Ún òf dos luna despues di e kongreso, por usa e parti di nesesidat lokal pa repasá e puntonan di e programa di kongreso ku e publikadónan a haña ku ta útil pa usa den sirbishi.