Benefisiá di e Buki Adorá Dios
1 E buki Adorá e Úniko Dios Berdadero ta spesialmente pa studia ku hende nobo ora nan kaba ku e buki Beibel Ta Siña. Entrante e siman di 23 di febrüari nos lo studia e buki akí na e Estudio di Beibel di Kongregashon. Asina nos lo ta mihó prepará pa us’é den sirbishi di vèlt i lo e yuda nos profundisá nos amor i apresio pa Yehova i su organisashon. Kon nos por benefisiá plenamente di e buki Adorá Dios?
2 Kon pa Kondusí e Estudio: E rumannan ku ta dirigí e estudio mester repartí e tempu na un manera sabí. Nan lo ke tuma ménos tempu ora di konsiderá e paragrafnan di introdukshon, ya asina lo sobra mas tempu pa e informashon mas pisá ku generalmente ta bini mas despues den e kapítulo. Un konsiderashon kòrtiku di e kuadro di repaso na final di kada estudio lo yuda esnan presente keda kòrda e puntonan klave.
3 Den kasi mitar di e kapítulonan ku tin den e buki Adorá Dios bo ta haña un seri di pregunta pa analisá i meditá ariba. Na página 48-9 bo ta haña un ehèmpel. No tin nodi lesa e preguntanan ei ora di lesa e paragraf. Ora di konsiderá nan ku e kongregashon, e ruman ku ta dirigí mester laga lesa i analisá e tekstonan menshoná segun tempu ta permití.
4 Prepará di Antemano: Prepará bon pa e estudio ta enserá mas ku djis hala liña bou di e kontestanan. Dor di meditá huntu ku orashon riba e tekstonan menshoná, nos lo por prepará no solamente nos komentarionan sino, mas importante ainda, nos kurason. (Esd. 7:10) Nos tur por enkurashá otro dor di duna komentario libremente pero breve.—Rom. 1:11, 12.
5 E buki Adorá Dios lo yuda nos hala serka Yehova i tambe e ta prepará nos pa yuda hende di kurason onrado djòin nos den ador’é. (Sal. 95:6; Sant. 4:8) Laga nos tur saka pleno benefisio di e ekselente provishon spiritual akí.