Anunsio

◼ Oferta di literatura pa yanüari: Kiko Beibel Ta Siña Realmente? Si e doño di kas tin e buki kaba, por ofres’é kualke buki di 192 página ku su blachinan a bira hel òf a kambia koló òf kualke buki publiká promé ku 1992. Febrüari: E Secreto pa Felicidad den Famia òf E Bijbel​—⁠e Palabra di Dios of e palabra di hende? si boso tin na stòk. Mart: Kiko Beibel Ta Siña Realmente? Hasi esfuerso spesial pa kuminsá estudio di Beibel. Aprel: E Toren di Vigilansia i ¡Despertad! Ora di rebishitá hende interesá, bishitá tambe esnan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé nan e buki Kiko Beibel Ta Siña Realmente? ku e meta pa kuminsá un estudio di Beibel.

◼ Kuminsando e promé siman di mart, e superintendentenan di sirkuito lo duna un diskurso públiko nobo ku lo mustra nos kon pa rechasá fantasianan di e mundu akí i buska e realidatnan di Reino.

◼ Kongregashonnan mester hasi areglo apropiá pa tene e Memorial di e aña akí riba djaweps 9 di aprel, despues ku solo baha. Kada kongregashon mester purba tene nan propio selebrashon di Memorial. Den kaso ku normalmente vários kongregashon ta usa e mesun Salòn di Reino, podisé ún òf mas kongregashon por usa un otro lugá pa e anochi ei. Kaminda ta posibel, nos ta rekomendá un lapso mínimo di 40 minüt entre e programanan pa asina tur hende por benefisiá plenamente di asosiashon despues di Memorial.