Kiko Nos Por Bisa di e Revistanan

E Toren di Vigilansia 1 di Apr.

“Bo tin gana di mira e profesia aki kumpli? [Lesa Isaias 2:4. Kaba permití e persona kontestá.] Tuma nota ku Dios lo intervení den asuntunan humano i rektifiká òf ‘reprendé hopi pueblo.’ Beibel ta indiká ku Dios lo bringa un guera ku yama Armagedón ku lo pone un fin na tur guera. E revista aki ta splika kiko Armagedón ta i dikon nos mester antisip’é.”

¡Despertad! Apr.

“Ku tur e kosnan ku nos tin di hasi, hopi hende ta haña ku ta difísil pa tuma tempu pa adorá Dios. Abo ta haña esei un reto? [Permití e persona kontestá. Kaba lesa Efesionan 5:15-17.] E artíkulo aki ta duna un splikashon bíbliko rasonabel enkuanto e kantidat di tempu i energia ku Dios ta spera pa nos dediká na dje.” Hala atenshon na e artíkulo ku ta kuminsá na página 20.

E Toren di Vigilansia 1 di Mei

“Hopi hende ta bisa ku nan ta kere solamente den loke nan por mira. Bo ta di akuerdo ku nan? [Permití e persona kontestá. Kaba lesa Romanonan 1:20.] E revista aki ta konsiderá tres kualidat sobresaliente di Dios ku nos por mira bon kla den kreashon. Tambe e ta mustra ki efekto e kualidatnan aki por tin riba nos.”

¡Despertad! Mei

“Hopi hende awe tin miedu di futuro. Bo ta kere ku kos lo bira mihó, òf lo e bira pió? [Permití e persona kontestá. Kaba lesa Revelashon 21:3 i 4.] E revista aki ta splika dikon nos por tin konfiansa ku pronto Dios lo solushoná e problemanan difísil ku hende no a logra resolvé.”