Anunsio

◼ Oferta di literatura pa mart: Ofresé e buki Kiko Beibel Ta Siña Realmente? Hasi esfuerso spesial pa kuminsá estudio di Beibel. Aprel i mei: Ofresé ehemplarnan lòs di tantu E Toren di Vigilansia komo ¡Despertad! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá un estudio di Beibel den e buki ei. Yüni: Ofresé e buki Kiko Beibel Ta Siña Realmente? Hasi esfuerso spesial pa kuminsá estudio di Beibel.

◼ Kongregashonnan mester saka e ehemplarnan nobo di E Toren di Vigilansia i ¡Despertad! asina ku nan yega. Esaki lo permití e publikadónan familiarisá nan mes ku e kontenido promé ku nan ofresé e revistanan den sirbishi di vèlt.

◼ Un ruman asigná dor di e superintendente presidente mester kontrolá e kuentanan di kongregashon di luna di desèmber, yanüari i febrüari. No mester usa e mesun persona pa hasi kontròl tras di otro. Ora e kontròl ei tuma lugá, mester hasi un anunsio n’e kongregashon despues ku lesa e siguiente informe di kuenta.—Wak e formulario Instrukshonnan pa Kuenta di Kongregashon (S-27-PA).

◼ E tema pa e kongreso di distrito 2008 ta “Sigui e Guia di Dios Su Spiritu Santu.” Nos Ministerio di Reino di aprel lo duna mas informashon ku lo por yuda bo kaba di hasi bo plannan pa asistí na tur e seshonnan di e kongreso di tres dia aki. Si bo tin ku pidi bo doño di trabou liber pa bo por t’ei presente tur tres dia, no tarda pa hasi esei.