Anunsio

◼ Oferta di literatura pa ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restora paradijs, E nomber divino cu lo permanece pa semper, Kico Ta Sosodé cu Nos ora Nos Muri?, “Mira! mi ta traha tur cos nobo” i Ora un Persona Stimá Muri. Sèptèmber: Ofresé e buki Loke hovenan sa puntra—Contesta práctica. Òf komo alternativa por ofresé bukinan bieu ku e kongregashon tin den stòk. Si e doño di kas no ta deseá e buki, ofresé e foyeto Keda Vigilá! Òktober: Ofresé ehemplarnan lòs di E Toren di Vigilansia i Spièrta! Kaminda hende mustra interes, ofresé e foyeto Rekerí. Novèmber: Ofresé e buki Siña for di e Gran Maestro. Si un persona bisa ku e no tin yu, ofres’é e buki Conocimentu òf e tratado Lo Bo Kier Sa Mas Tocante Bijbel?

◼ Òktober lo ta un bon luna pa traha pionero ousiliar, ya ku e tin sinku fin di siman kompletu.

◼ Mester warda página 5 i 6 di e Ministerio di Reino aki pa usa nan en konekshon ku e programanan di asamblea di sirkuito i dia spesial di asamblea pa e aña di sirbishi 2006.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di sèptèmber òf mas pronto posibel despues di esei. Si boso tin un kuenta koriente separá, por ehèmpel pa mantenshon òf konstrukshon, mester hasi areglo pa kontrolá e kuenta aki tambe. Ora e kontròl(nan) ei tuma lugá, hasi un anunsio n’e kongregashon despues ku lesa e siguiente informe di kuenta.

◼ Un rekordatorio: Nunka usa e adrès di sukursal komo adrès remitente (“afzender”) riba nos kartanan personal. Esaki ta konta tambe pa tur karta i literatura ku nos ta pòst pa duna testimonio na hende interesá, na esnan ku nos no a haña na kas òf na hende ku ta biba na lugánan inaksesibel. Un publikadó lo por usa su adrès remitente personal, ya ku su ministerio ta un parti di su sirbishi personal na Dios. (Mat. 28:19, 20; Rom. 10:14, 15) Sin embargo, si e ta pensa ku no ta sabí pa usa su mes adrès komo remitente ora e ta duna testimonio via karta, e por usa su nòmber i e adrès di e Salòn di Reino.—Wak Kaha di Pregunta den Nos Ministerio di Reino di mei 2002.

◼ Mester hasi e inventario anual di tur literatura i revista na stòk dia 31 di ougùstùs 2005, òf un dia mas serka posibel di e fecha ei. E inventario aki ta similar na e konteo mensual ku e kordinadó di literatura ta hasi, i mester skirbi e totalnan riba e formulario Inventario di Literatura (S-18). Por haña e kantidat total di revista na stòk for di e sirbidó(nan) di revista. E sekretario di e kongregashon kordinadó mester supervisá e inventario. E ku e superintendente presidente di e kongregashon kordinadó lo firma e formulario. Kada kongregashon kordinadó lo risibí tres formulario di Inventario di Literatura (S-18). Por fabor, manda e original pa ofisina di sukursal no mas tardá ku dia 6 di sèptèmber. Warda un kopia den boso fail. Por usa e di tres kopia komo klat.

◼ Kongregashonnan mester kuminsá hasi pedido pa Anuario 2006 di Testigunan di Yehova, Eksaminando e Skritura Diariamente—2006 i Kalènder 2006 di Testigunan di Yehova huntu ku nan siguiente pedido di literatura. Den e karta “Anunsio na Tur Kongregashon” ku ta ser mandá tur luna na tur kongregashon lo tin un lista di e idiomanan na kua e publikashonnan aki ta disponibel.