Kiko Nos Por Bisa di e Revistanan

E Toren di Vigilansia 1 di Yüni

“Maske kasi tur hende ta papia di pas, humanidat no a logra uni mundu. Bo ta kere ku un mundu uní ta djis un soño? [Permití e persona kontestá.] E revista aki ta hala atenshon na un gobièrnu ku sí por uni mundu.” Lesa Salmo 72:7 i 8, i hasi areglo pa bolbe bèk pa konsiderá kon esaki lo tuma lugá.

¡Despertad! 8 di Yüni

“Bo a ripará ku hopi hende ta preokupá pa e echo ku tin mas i mas kaso di kanser di kueru? [Permití e persona kontestá.] E edishon aki di ¡Despertad! ta eksaminá dikon awe nos tin mas chèns di hañ’é i kiko nos por hasi pa protehá nos mes.” Konkluí dor di mustr’é e promesa animador na Jòb 33:25.

E Toren di Vigilansia 15 di Yüni

“Mayoria di nos lo pasa un gran parti di nos bida ta traha. Tin hende ta konsiderá esei komo un bendishon i tin otronan ku ta konsiderá esei komo un maldishon. Kiko abo ta pensa? [Permití e persona kontestá. Kaba lesa Eklesiastés 2:24.] E revista aki ta mustra kon Beibel por yuda nos haña un punto di bista balansá di trabou. Tambe e ta mustra kon pa trata ku strès kousá dor di trabou.”

¡Despertad! 22 di Yüni

“Bo ta kere ku nos komunidat lo ta un mihó lugá di biba si tur hende ta apliká e siguiente palabranan? [Lesa Efesionan 4:28. Permití e persona kontestá.] E revista aki ta papia di e preis haltu ku kada un di nos ta paga pa motibu di hòrtamentu den pakus. Tambe e ta mustra kon hòrtamentu den pakus i tur otro krímen, pronto lo ta kos di pasado.”