Programa Nobo di Asamblea di Sirkuito
1 Nos Señor Hesus a predisí ku su disipelnan lo haña nan ku tribulashon. (Mat. 24:9) Kon nos mester mira prueba? Kiko lo yuda nos perseverá bou di tribulashon? E programa di asamblea di sirkuito pa e aña di sirbishi 2004 lo kontestá e preguntanan ei. E tema ta ‘Alegrá den Speransa. Perseverá den Tribulashon.’—Rom. 12:12.
2 Dos Simposio: E promé simposio, ku ta hiba e título “Duna Fruta ku Perseveransia,” lo trata maneranan den kua nos ta duna fruta. Lo entrevistá vários publikadó relashoná ku e manera ku nan ta prediká i siña hende ku un sentido di urgensia. Foral mayornan mester presta atenshon na e parti “Ora Yehova Disipliná Nos,” ku lo mustra kon mayornan por rasoná ku nan yunan. E último oradó di e simposio lo enfatisá loke nos tin ku hasi pa evitá ku tiki-tiki e mundu ta afektá nos i pone ku nos no ta duna fruta.—Mar. 4:19.
3 “Kore e Kareda ku Perseveransia,” ta tema di e segundo simposio. Lo e mustra den ki sentido nos kurso di bida ta manera un kareda. Dikon nos tin ku kore segun e reglanan? Kon nos por logra pone tur strobansa un banda i keda sin desmayá òf kansa den e kareda di bida? Nos lo haña konsehonan bíbliko oportuno ku lo yuda nos tur sigui kore ku perseveransia.
4 Perseveransia Ta Trese Dios Su Aprobashon: E diskursonan ku e superintendentenan biahero lo duna lo fortalesé fe di esnan ku skucha i apliká e konseho risibí. Un diskurso ku e superintendente di distrito lo duna tin e título “Perseveransia Ta Hiba na un Kondishon Aprobá.” E diskurso públiko lo kontestá e preguntanan: Den ken su nòmber e nashonnan mester spera, i kiko esei ta enserá? E último diskurso “Dor di Perseveransia Boso Lo Gana Boso Alma,” lo mustra kon bini Hesus por a wanta inhustisia sin bira amargá.
5 Kòrda bin ku bo buki di Skol di Ministerio i bo Toren di Vigilansia pa e siman ei. Hasi anotashon pa yuda bo konsentrá i tambe pa bo usa despues. Lo tene un repaso di e programa mas despues den kongregashon.
6 Ta Yehova mes a prepará e bankete di kuminda spiritual aki. Bin kome! Nos lo dal gritu di goso si nos t’ei presente pa benefisiá di henter e programa.—Isa. 65:14.