Anunsio

◼ Oferta di literatura pa mei: Ehemplarnan di tantu E Toren di Vigilansia komo Spièrta! Ora di rebishitá hende interesá, ku por inkluí esnan ku a asistí na Memorial òf na otro eventonan teokrátiko pero ku no ta asosiá aktivamente ku e kongregashon, konsentrá riba laga e buki nobo Adorá e Úniko Dios Berdadero. Hasi tur esfuerso pa kuminsá un studio di Beibel na kas, spesialmente ku un persona ku a studia e buki Conocimentu i e foyeto Rekerí kaba. Yüni: Ofresé e buki Conocimentu òf e foyeto Rekerí. Si un doño di kas tin e publikashonnan aki kaba, usa un otro foyeto apropiá ku e kongregashon tin na stòk. Yüli ku ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Kico Ta Sosodé cu Nos ora Nos Muri?, Kiko Ta e Propósito di Bida? Kon Bo Por Haña Sa?, “Mira! mi ta traha tur cos nobo” i Ora un Persona Stimá Muri. Den sierto partinan di mundu, e siguiente foyetonan kisas ta mas apropiá: Hamas Lo Yega di Tin un Mundu Sin Guera?, Kon pa Logra un Bida Satisfasiente, Nos Problemanan—Ken Lo Yuda Nos Solushoná Nan?, Spiritu dje mortonan—Nan por yudá bo of hací bo daño? i Un Buki pa Tur Hende.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di yüni òf mas pronto posibel despues di esei. Ora esei tuma lugá, hasi un anunsio n’e kongregashon despues di lesa e siguiente informe di kuenta.

◼ Resientemente a kambia e forma di skirbi nòmbernan propio den Beibel ku ta referí na lugá i hende den e publikashonnan di Testigunan di Yehova na papiamentu. Awor ta skirbi nan manera nos ta haña nan den Beibel Santu, ku ta e tradukshon ku ta ser sitá awor den e publikashonnan. Un ehèmpel di esei ta “Juan” en bes di “Huan.” Tin biaha bo por haña den e publikashonnan un otro forma di e nòmber entre paréntesis despues di e nòmber sitá for di Beibel Santu. Esei ta pa indiká e nòmber ku nos tin kustumber di usa pero ku Beibel Santu ta skirbi na un otro manera, por ehèmpel, Isaí (Yesé) tata di David. Despues di tempu ku e publikadónan kustumbrá ku e persona òf lugá identifiká ku e nòmber ei, nos lo stòp di pone nòmber entre paréntesis. Pues, en general e nòmbernan ku lo sali den e publikashonnan lo kuadra ku e tradukshon di Beibel Santu pa asina bira mas fásil pa konektá e nòmbernan ku e tekstonan den Beibel. (Den kaso ku ta eksistí un ortografia ofisial pa un nòmber ku ta aparesé den Beibel Santu pero ku ta diferente for di Beibel Santu, e ortografia ofisial ta haña preferensia. Por ehèmpel, “Hesukristu” i no “Jesu-Cristo.”)