Kiko Nos Por Bisa dje Revistanan

E Toren di Vigilansia 1 di Yüli

“Miónes di hende ta usa imágen òf prenchi den nan adorashon, miéntras ku miónes di otro hende ta pensa ku esei ta robes. Bo a yega di puntra bo mes kiko Dios ta pensa? [Pèrmití e persona kontestá. Kaba, lesa Huan 4:24.] E artíkulonan aki ta mustra kon hende a kuminsá usa prenchi i kiko Beibel ta bisa tokante adorashon di imágen.”

Spièrta! 8 di Yüli

“Beibel a profetisá ku durante e último dianan lo tin tempu trabahoso. [Lesa 2 Timoteo 3:1 i 3.] Rònt mundu, e oumento di kriminalidat ta duna prueba di esaki. Pero imaginá kuantu mas pió e situashon lo tabata si no tabatin polis! E edishon aki di Spièrta! ta trata e retonan ku polis ta konfrontá rònt mundu.”

E Toren di Vigilansia 15 di Yüli

“Bo ta kere ku hende malbado ta ser kastigá den fièrnu? [Pèrmití e persona kontestá.] Beibel ta mustra bon kla kiko ta e kastigu pa piká. [Lesa Romanonan 6:23a.] Pues anto, fièrnu ta un lugá di tormento? Òf e ta simplemente e kondishon di hende alehá for di Dios? E revista aki ta duna kontesta bíbliko riba e preguntanan aki.”

¡Despertad! 22 di Yüli

“Hopi hende ta mira wega di plaka komo un dibertishon sosialmente aseptabel. Otro hende ta haña ku e ta perhudiká famia i sosiedat en general. E edishon aki di Spièrta! ta analisá wega di plaka dor di konsiderá investigashonnan resien ku a ser publiká. Kisas lo bo ta interesá tambe pa lesa kon prinsipionan bíbliko ta tira lus riba e tema aki.” Komo ehèmpel, lesa 1 Timoteo 6:10.