Anuncionan

◼ Oferta di literatura pa december: Traducción del Nuevo Mundo huntu cu e buki E Bijbel—e Palabra di Dios of e palabra di hende? Januari: Cualkier buki di 192 página publicá promé cu 1985 cu e congregacion por tin na stock. Congregacionnan cu no tin bukinan asina na stock por ofrecé Bo por biba pa semper den Paradijs riba tera. Februari: Revelacion—su gran culminacion ta cerca! Mart: Conocimentu cu Ta Hiba na Bida Eterno. Concentrá riba cuminsá studio di Bijbel.

◼ Como cu e graduacion di Galad lo cai riba diasabra, 14 di mart, 1998, lo no tin tour e dia ei den e edificionan di Sociedad na Brooklyn, Patterson i Wallkill, New York. Ken cu a planea un bishita riba e diasabra ei mester reprogramá su bishita pa un otro dia cumbiniente.

◼ Congregacionnan mester cuminsá haci pedido pa volúmennan di La Atalaya i ¡Despertad! di 1997 huntu cu nan pedido di literatura pa december. E volúmennan lo ta disponibel na aleman, chines, croata, frances, griego, hapones, hulandes, ingles, italiano, koreano, polaco, portugues, rumano, ruso, spañó i turco. Tanten cu e volúmennan aki no ta disponibel i e cargamentu ser mandá, Sucursal lo pone nan riba lista di pedido pendiente. Volúmennan ta artículonan di pedido special.

◼ E superintendente presidente of un ruman asigná p’e, mester controlá e cuentanan di congregacion dia 1 di december of mas pronto posibel despues di esei. Haci un anuncio n’e congregacion ora esaki a ser hací.

◼ E Memorial di 1999 lo cai riba diahuebs, 1 di april, despues cu solo baha. E aviso delantá aki ta ser duná pa asina e rumannan por haci reservacion of cera contractnan necesario pa salanan disponibel ora tin vários congregacion ta usa e Salon di Reino i nan mester busca otro caminda pa reuní. E ancianonan mester tin un acuerdo cu gerente dje lugá cu ta sigurá nan cu lo no tin disturbio for di otro actividadnan den e edificio di manera cu e celebracion di Memorial por tuma lugá den un manera trankil i ordená. Debí n’e importancia dje ocasion, ora di asigná un orador pa Memorial, e cuerpo di anciano mester scoge un dje ancianonan mas cualificá en bes di simplemente duna beurt na cada un of usa e mésun ruman tur aña.