Repaso di Scol di Ministerio Teocratico

Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 6 di januari te 21 di april, 1997. Usa un blachi separá pa skirbi contesta di mas tantu pregunta posibel den e tempu asigná.

[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]

Contestá cada un dje siguiente declaracionnan cu Cierto of Falsu:

1. Orguyo por stroba nos di reconocé nos faltanan personal i aceptá conseho. [rs-S pág. 142 §1 (rs-E pág. 391 §1)] Cierto.

2. Ningun autoridad riba tera por a pordoná picá sino te ora cu Jesus a muri i a percurá e rescate. [Lesamentu semanal di Bijbel; mira w96-PA 15/4 pág. 29.] Falsu. Segun Mateo 9:2, promé cu Jesus a muri e tabatin autoridad pa bisa cu un persona su picánan a ser pordoná.

3. Na cumplimentu di Zacarías 9:2-4, Tiro a ser destruí completamente dor di Nabucodonosor. [si-S pág. 169 §4] Falsu. Aunke Nabucodonosor parcialmente a destruí e parti di Tiro cu tabata localisá riba tera firme, un stad insular a keda existí te na su destruccion total siglonan despues na man di Alexander de Grote.

4. Bautismo ta un garantia pa salbacion. [uw-PA pág. 100 §12] Falsu. Bautismo tin balor solamente si un persona di berdad a dedicá su mes na Jehova mediante Jesucristo i despues di esei ta cumpli cu e boluntad di Dios, fiel te na fin.

5. No mester culpa Dios pa “desasternan natural” cu a ser profetisá pa nos dia mescos cu no mester culpa meteorólogonan pa e weer cu nan ta pronosticá. [rs-S pág. 378 §1-3 (rs-E pág. 398 §1-3)] Cierto.

6. E rescate ta cubri tur picá di hende imperfecto. [Lesamentu semanal di Bijbel; mira ­w95-PA 15/12 pág. 29.] Falsu. E único picá cu e rescate no ta cubri ta picá contra e spiritu santu di Dios. (Mat. 12:31, 32)

7. Entre e “cabritunan” mencioná na Mateo 25:31-46, cu lo sufri destruccion eterno, lo tin miembronan activo di Babilonia e Grandi i nan lidernan religioso. [Lesamentu semanal di Bijbel; mira w95-PA 15/10 pág. 26 §13-15.] Falsu. E huicio dje “carnénan” i e “cabritunan” lo cuminsá despues dje destruccion di Babilonia e Grandi. E “cabritunan” lo por incluí algun ex-miembro di iglesia, pero esakinan lo no ta miembronan activo di Babilonia e Grandi, cual lo no ta existí mas.

8. E palabranan di Jesus registrá na Mateo 23:33 ta indicá cu e escriba i fariseonan, como grupo, tabata parti dje simia dje Colebra. [Lesamentu semanal di Bijbel; mira w96-PA 1/6 pág. 11 §11.] Cierto.

9. Pordonando otro hende ta habri e caminda pa Dios pordoná nos picánan. [Lesamentu semanal di Bijbel; mira w94-PA 15/9 pág. 7.] Cierto. (Mat. 6:14, 15)

10. Jesus su bautismo den morto a cuminsá na 29 E.C. i no a ser completá sino te ora cu realmente el a muri i a ser resucitá. [uw-PA pág. 97 §6] Cierto.

Contestá e siguiente preguntanan:

11. Den ki sentido e Reino di Jesus lo no ser reducí na ruina? (Dan. 7:14) [uw-PA pág. 86 §15] E logronan di su Reino lo permanecé pa semper. (Substancia ta suficiente)

12. Cua dos papel cu Jesucristo a cumpli cuné a ser describí na Zacarías 6:12, 13? [si-S pág. 172 §25] Como e “Spruit,” Jesus ta sirbi tantu como Rey i como Sumo Sacerdote.

13. En bes di criticá esnan cu segun nos opinion lo por haci mas den sirbishi di Reino, kico nos individualmente mester haci? (Gal. 6:4) [uw-PA pág. 93 §13] Nos mester traha pa nos mehorá personalmente di manera cu nos por sirbi Dios te n’e pleno grado cu nos mes circunstancianan ta permití. (Substancia ta suficiente)

14. Den ki maneranan hende ta beneficiá di Jesus su sacrificio na e tempu aki? [kl-PA pág. 68-9 §17-19] Jesus su sacrificio ta trece pordon di picá; e ta proveé e base pa nos speransa p’e futuro; e ta e prueba máximo di Jehova su amor. (Cualkier; substancia ta suficiente)

15. Pakico Dios no a pordoná Adam i a djis lubidá su picá? [rs-S pág. 377 §1 (rs-E pág. 397 §1)] Haciendo esei lo a haci Dios cómplice dje malecho; esei lo a resultá den falta di respet pa Dios di parti di su yunan angelical; esei lo a nificá cu no tabatin un berdadero base pa tin speransa di algu mihó. (Cualkier un; substancia ta suficiente)

16. Den ki sentido “Elías e profeta” a presentá den e promé siglo, na cumplimentu di Malakías 4:5? [si-S pág. 174 §15] Juan e Bautisante a haci un trabou di prepará caminda similar n’e trabou di Elías e profeta. (Mat. 17:10-13) (Substancia ta suficiente)

17. Con picá a plama na tur hende? [kl-PA pág. 58 §13] Como cu tur yu di Adam i Eva a ser concibí despues cu nan a peca, nan yunan a heredá picá i morto.

18. Unda den e buki di Mateo nos ta haña e conseho sano cu Jesus a duna tocante con pa resolvé dificultadnan serio? [Lesamentu semanal di Bijbel; mira w95-PA 15/7 pág. 22.] Ta haña tal conseho na Mateo 5:23, 24 i na Mateo 18:15-17. (Un di nan dos)

19. Kico ta e “denario” mencioná den Jesus su comparacion registrá na Mateo 20:1-16? [Lesamentu semanal di Bijbel; mira gt-PA 97 §6.] E denario ta e privilegio di ta un israelita spiritual, ungí pa predicá tocante e Reino di Dios. (Substancia ta suficiente)

20. Mencioná dos cos cu a ser probá dor dje echo cu Dios a permití maldad. [kl-PA pág. 77-8 §18-20] Independencia for di Dios no a trece un mundu mihó; Satanas no por a apartá henter humanidad for di Jehova; solamente Jehova tin e abilidad i e derecho pa goberná riba humanidad. (Cualkier dos; substancia ta suficiente)

Yena e palabra(nan) of frase necesario pa completá cada un dje siguiente declaracionnan:

21. Hopi bes ta yama e promé tres Evangelionan ­sinóptico, cu ta nificá punto di bista similar. [si-S pág. 175 §3]

22. Si un hende cu ta afirmá di tin e spiritu di Dios no ta producí e fruta di spiritu den su bida i no ta keda separá for dje mundu i su prácticanan, su afirmacion no tin ningun base. [rs-S pág. 224 §6–pág. 225 §3 (rs-E pág. 402 §3-6)]

23. E mortonan na cua Revelacion 20:12 ta referí lo ser husgá segun nan obranan cu nan haci despues di nan resureccion. Esaki ta yuda nos comprendé cu nan resureccion lo no ta inevitablemente un resureccion di huicio. (Juan 5:28, 29) [uw-PA pág. 75 §12]

24. Aunke Jesus en realidad no a ser duná e nomber personal Emmanuel, su papel como hende a cumpli cu e nificacion dje nomber ei. (Isa. 7:14; Mat. 1:22, 23) [Lesamentu semanal di Bijbel; mira w92-S 15/1 pág. 22.]

25. E “spiritu” cu ta sali for di hende ora nan muri ta e forsa di bida cu ta originá cu Dios. (Sal. 146:4) [kl-PA pág. 81-2 §5-6]

Scoge e contesta corecto den cada un dje siguiente declaracionnan:

26. Tin evidencia cu Mateo a skirbi su Evangelio na (hebreo; arameo; griego) i despues a traducié na (hebreo; arameo; griego). [si-S pág. 176 §6]

27. E gran mayoria dje (resto; 144.000) ta den shelu i e (resto; 144.000), cu ainda ta riba tera, ta componé e (Cuerpo Gobernante; clase di esclabo fiel i discreto). [uw-PA pág. 80 §7]

28. Eclesiástes 9:11 ta yuda nos comprendé cu frecuentemente hende ta ser heridá i ta sufri pa motibu (di Diabel; di hende malbado; cu pa casualidad, nan ta na e lugá inoportuno n’e momento inoportuno). [rs-S pág. 374 §3 (rs-E pág. 394 §3)]

29. Bautismo “den e nomber dje Tata i dje Yu i dje spiritu santu” a cuminsá na (29 E.C.; 33 E.C.; 36 E.C.). (Mat. 28:19) [uw-PA pág. 98 §9]

30. Jesus a bira e Mesías na su (nacementu; bautismo; resureccion), cua a tuma lugá na aña (2 P.E.C.; 29 E.C.; 33 E.C.). [kl-PA pág. 65 §12]

Cuadra e siguiente textonan bíblico cu e declaracionnan aki bou:

Zac. 4:6; Mat. 4:8-10; Mat. 16:19; Sant. 1:13; 1 Juan 5:19

31. Dios no ta e causa dje cantidad di sufrimentu cu ta plaga humanidad. [Sant. 1:13] [kl-PA pág. 71 §3]

32. E berdadero siguidornan di Jesus ta nenga di enbolbé nan mes den asuntunan político dje mundu aki. [Mat. 4:8-10] [Lesamentu semanal di Bijbel; mira w96-PA 1/5 pág. 12 §9.]

33. Conocimentu relacioná cu e Reino di Dios lo a habri e caminda pa bai shelu pa hudiu, samaritano i gentil. [Mat. 16:19] [Lesamentu semanal di Bijbel; mira w91-S 15/3 pág. 5.]

34. Oposicion na tur parti di mundu contra nos trabou di predicá a ser superá, no mediante esfuerso humano, sino mediante e guia i proteccion di Jehova. [Zac. 4:6] [Lesamentu semanal di Bijbel; mira w94-PA 15/8 pág. 17 §4.]

35. Cristiannan tin bon motibu pa keda separá for dje mundu. [1 Juan 5:19] [kl-PA pág. 60 §18]