Kontenido

Nos konosementu lo no ta di masha balor si nos no ta us’é. Pues, nos mester ta humilde pa pone na práktika loke nos ta siña. E artíkulo akí ta animá nos pa nos keda humilde i imitá ehèmpel bíbliko di fiel sirbidónan di Dios ku a prediká na tur sorto di hende, a hasi orashon pa otronan i a konfia ku Yehova lo yuda nan.

Den e tempunan krítiko akí, ta fásil pa nos bira desanimá òf bira deprimí debí na difikultat ku nos ta pasa aden. Yehova i Hesus por yuda nos trata ku eseinan. Ademas, nos tur tin e responsabilidat di animá i konsolá otro. E artíkulo akí ta mustra kon nos por edifiká otro ku amor.

Yehova ta e Dios felis ku ke pa su sirbidónan ta felis. Pero, kon nos por ta felis apesar di prueba- i difikultatnan ku nos ta enfrentá den e mundu di Satanas? Den e Sermon Riba Seru, Hesus a duna konseho práktiko ku por yuda nos keda felis pa semper.

Den un mundu kaminda hende ta birando mas i mas egoista, amor ta resaltá den e kongregashon kristian. Un manera ku e amor ei ta ser demostrá ta ora nos ta tene konsiderashon ku otronan, manera nos lo haña den e dos artíkulonan akí. Den e promé artíkulo, nos lo mira kon Yehova ta pone e mihó ehèmpel den tene konsiderashon ku hende. Den e di dos artíkulo, nos lo wak den ki manera práktiko nos por imit’é.