Un Diskurso Públiko Spesial

Kiko Por Yuda Nos Trata ku e Problemanan di Awendia?

Awendia tin abundansia di konseho den mundu. Buki i programa di televishon ku ta duna hende konseho tokante kon nan lo por solushoná nan problemanan ta masha popular. Sinembargo, e problemanan komun ta keda. Kisas bo a yega di puntra bo mes: ‘Tin un fuente di guia ku realmente mi por konfia?’ Klaru ku sí!

Aunke Beibel tin míles di aña bieu, e ta kontené prinsipionan ku no ta kambia nunka i ta kontestá preguntanan manera:

▪ Kon mi por resolvé konflikto i disfrutá di bon relashon ku otro hende?

▪ Kon mi por haña felisidat?

▪ Kon mi por trata ku problema ekonómiko?

▪ Kon mi por kita ansiedat?

Lo bo haña kontesta riba e preguntanan ei durante e diskurso públiko: “Prinsipionan di Beibel Por Yuda Nos Trata ku e Problemanan di Awendia?” E diskurso akí ta basá riba Beibel i lo present’é rònt mundu den mas ku 230 pais. Den mayoria di pais, lo duna e diskurso akí na Salòn di Reino di Testigunan di Yehova riba djadumingu 1 di mei 2011.

Gustosamente Testigunan di Yehova den bo área lo duná bo e ora i adrès. Bo ta kordialmente invitá.